Навiны бібліятэкi

У рамках Тыдня роднай мовы, чытачы бібліятэкі з задавальненнем сфатаграфаваліся з кнігай, якая ім падабаецца.
Першыя удзельнікі BOOK-СЭЛФІ :
Дарохіна Валерыя Рыгораўна (група 21ЛМК-1), яе любімы твор - “Людзі на балоце” Івана Мележа;  
Дранчук Дар'я Ігараўна (група 21ФиК-2)  з кнігай Iвана Шамякіна “Сэрца на далоні”;
Калянчук Ягор Валер'евіч, ліцэіст “11 Б” класа, якому да спадобы прыйшлася кніга “Беларусь. Зямля песняроў” Анатоля Кляшчука;
Пархоменка Мілана Яўгенаўна (група 19ПД-1), яе уразіла “Сусветная спадчына Францыска Скарыны”, складальнiк Аляксандр Суша.

   У бібліятэцы вучэбнага корпуса №1 у рамках Тыдня роднай мовы арганізавана выстава вучэбнай літаратуры “Сэрцам роднага слова краніся”. На ёй прадставлены падручнікі, практыкумы, вучэбна-метадычныя выданні, слоўнікі і даведачная літаратура, якія змяшчаюць тэарэтычны і практычны матэрыял па беларускай мове. У экспазіцыі пададзены ўсе раздзелы беларускага мовазнаўства, разглядаюцца асноўныя правілы і нормы ўжывання слоў і іх формаў, даецца характарыстыка стыляў, асвятляюцца пытанні арфаграфіі, марфалогіі, сінтаксісу і пунктуацыі, шмат увагі надаецца культуры маўлення.

 

Бібліятэка прапануе вашай ўвазе віртуальную выставу "Чытаем па-беларуску". На ёй рэкамендаваны мастацкія творы найлепшых беларускіх аўтараў.  

Мілагучную, яскравую, блізкую сэрцу беларускую мову любіць кожны з нас, нягледзячы на тое, наколькі свабодна ёй валодае словам. Таму што мова гэтая - самая родная. Таму што менавіта яна робіць беларуса беларусам. 

"Сэлфі" (ад англ. self-сам) трывала ўвайшло ў наша жыццё. Яго робяць і простыя людзі, і знакамітасці, і палітыкі. Для сэлфі людзі выбіраюць самыя розныя месцы. А чаму б не сфатаграфавацца ў бібліятэцы? Тым больш, што нагода ёсць!

З 19.09.2022 па 23.09.2022 праходзіць Тыдзень роднай мовы “Як ты дорага мне, мая родная мова!”, у рамках якога праводзіцца шмат мерапрыемстваў. Усім чытачам бібліятэкі, якія наведаюць у гэты час абанемент навуковай і мастацкай літаратуры, будзе прапанавана сфатаграфавацца і расказаць, чаму дадзеная кніга самая любімая. Такім чынам вы падзеліцеся сваімі літаратурнымі перавагамі.

У бібліятэцы на абанеменце навуковай і мастацкай літаратуры вучэбнага корпуса №3 (каб.3221) экспануецца кніжная выстава "На крылах роднай мовы", прымеркаваная да Тыдня роднай мовы. На экспазіцыі прадстаўлены літаратурныя творы беларускіх пісьменнікаў: Я. Коласа, Я. Купалы, І. Мележа, М. Багдановіча, І. Шамякіна, К. Крапівы, М. Танка, І. Навуменка і інш. “Роднае слова – святы ізумруд,” - так пісаў пра мову Уладзімір Караткевіч. Хіба можна прыдумаць лепшае параўнанне, каб перадаць каштоўнасць гэтага скарба?  Жыве мова – жыве народ.  І пакуль кожны беларус будзе разумець гэта, наша мова будзе гучаць і квітнець.  Слова – самае цудоўнае, што ў нас ёсць.

Запрашаем!

 

15 верасня - прафесійнае свята ўсіх бібліятэкараў Беларусі, а дакладней - Дзень бібліятэк. Да гэтай даты ў чытальнай зале бібліятэкі экспануецца кніжная выстава “Сіла кнігі”. У экспазіцыю ўвайшлі выданні, прысвечаныя гісторыі кнігі і бібліятэкі, сучаснаму развіццю бібліятэчнай справы, інфармацыйна-даведачнае выданне пра ўклад нашай бібліятэкі ў арганізацыю навучальнага і навуковага працэсу ўніверсітэта, навуковыя, навукова-папулярныя і навучальныя дапаможнікі. Мы праглядзелі некаторыя інтэрнэт-супольнасці кнігалюбаў, прачыталі водгукі людзей пра самыя розныя прачытаныя імі кнігі, і найбольш папулярныя з іх сабралі ў рубрыцы "Гэта тое, што трэба абавязкова прачытаць". Кнігі філасофскага і псіхалагічнага характару выдзелены ў рубрыку "І хіба веданне не сіла?" У цэнтры экспазіцыі - кнігі, прысвечаныя Нацыянальнай бібліятэцы Беларусі, якой спаўняецца сёлета 100 гадоў. Што ж робіць чалавека адукаваным? Што можа пашырыць кругагляд, узбагаціць розум і душу?

Паважаныя трэцякурснікі!
Бібліятэка універсітэта запрашае вас атрымаць камплекты навучальнай літаратуры на 2022-2023 навучальны год!
Студэнты-даўжнікі атрымаюць камплект падручнікаў на новы навучальны год толькі пасля ліквідацыі запазычанасці перад бібліятэкай.

Графікі выдачы камплектаў падручнікаў студэнтам 3 курса ДФН на 1 семестр 2022/2023 г.

Паважаныя другакурснікі!
Бібліятэка ўніверсітэта запрашае вас атрымаць камплекты навучальнай літаратуры на 2022-2023 навучальны год!
Звярніце ўвагу, што падручнікі выдаюцца толькі пасля вяртання кніг з папярэдняга семестра.

Графікі выдачы камплектаў падручнікаў студэнтам 2 курса ДФН на 1 семестр 2022/2023 г.

Графікі выдачы камплектаў падручнікаў студэнтам 1 курса ДФН на 1 семестр 2022/2023 г.

Дарагія ліцэісты, студэнты і выкладчыкі! Віншуем Вас з пачаткам навучальнага года! Жадаем творчых поспехаў, новых адкрыццяў і ўражанняў, смелых ідэй, высокіх вынікаў, радасных падзей і добрага настрою! Няхай у вашым жыцці ярка ззяе святло мудрасці і ведаў!

Навучальны год у бібліятэцы пачаўся з выдачы падручнікаў ліцэістам.