21 верасня 2022 года ў Мінску стартавала першая міжнародная спецыялізаваная выстава “НАШ ДОМ”. Арганізатарам мерапрыемства выступіла Міністэрства жыллёва-камунальнай гаспадаркі Рэспублікі Беларусь.
Навiны
Традыцыйна міжнародная выстава тэхналогій і інавацый у прамысловасці “ТэхІнаПрам” накіравана на прасоўванне інавацыйнага прамысловага абсталявання, прадукцыі і тэхналогій айчынных і замежных кампаній на рэгіянальныя і міжнародныя рынкі.
19 верасня 2022 года ў Заслаўі стартавала Рэспубліканская ўніверсіяда па веславанні на байдарках і каноэ, у якой прымае ўдзел зборная каманда Палескага дзяржаўнага ўніверсітэта.
21 верасня рэктар Дунай Валерый Іванавіч сустрэўся з прадстаўнікамі пярвічнай арганізацыі грамадскага аб’яднання “Беларускі рэспубліканскі саюз моладзі” Палескага дзяржаўнага ўніверсітэта. Студэнты расказалі аб дзейнасці пярвічнай арганізацыі, сваіх планах і перспектывах.
20 верасня – Міжнардны дзень студэнцкага спорту, заснаваны Міжнароднай федэрацыяй універсітэцкага спорту (ФІСУ) і ЮНЕСКА з мэтай павышэння ўзроўню і якасці фізкультурна-спартыўнай работы ўстаноў вышэйшай адукацыі, умацавання спартыўных традыцый, прыцягнення студэнтаў да рэгулярных заняткаў фізічнай культурай і спортам. У межах святкавання факультэт арганізацыі здаровага ладу жыцця прапанаваў студэнтам Палескага дзяржаўнага ўніверсітэта прыняць удзел у розных мерапрыемствах.
У рамках Тыдня роднай мовы, чытачы бібліятэкі з задавальненнем сфатаграфаваліся з кнігай, якая ім падабаецца. Першыя удзельнікі BOOK-СЭЛФІ : Дарохіна Валерыя Рыгораўна (група 21ЛМК-1), яе любімы твор - “Людзі на балоце” Івана Мележа; Дранчук Дар'я Ігараўна (група 21ФиК-2) з кнігай Iвана Шамякіна “Сэрца на далоні”; Калянчук Ягор Валер'евіч, ліцэіст “11 Б” класа, якому да спадобы прыйшлася кніга “Беларусь. Зямля песняроў” Анатоля Кляшчука; Пархоменка Мілана Яўгенаўна (група 19ПД-1), яе уразіла “Сусветная спадчына Францыска Скарыны”, складальнiк Аляксандр Суша.
18 верасня студэнты і магістранты з Пензенскага дзяржаўнага і Нацыянальнага дзяржаўнага ўніверсітэта фізічнай культуры, спорту і здароўя імя П.Ф. Лесгафта (Санкт-Пецярбург) наведалі Нацыянальны гісторыка-культурны музей-заказнік “Нясвіж” і замкавы комплекс “Мір”. Маладыя людзі пазнаёміліся са старэйшымі і прыгажэйшымі замкамі Беларусі, з багацейшай і насычанай гісторыяй.
Экскурсія пакінула ў студэнтаў мноства яркіх уражанняў і пазітыўных эмоцый, а таксама дала цудоўную магчымасць далучыцца замежным навучэнцам да гісторыі і культуры беларускай дзяржавы.
У бібліятэцы на абанеменце навуковай і мастацкай літаратуры вучэбнага корпуса №3 (каб.3221) экспануецца кніжная выстава "На крылах роднай мовы", прымеркаваная да Тыдня роднай мовы. На экспазіцыі прадстаўлены літаратурныя творы беларускіх пісьменнікаў: Я. Коласа, Я. Купалы, І. Мележа, М. Багдановіча, І. Шамякіна, К. Крапівы, М. Танка, І. Навуменка і інш.
Студэнты ПалесДУ сталі ўдзельнікамі Рэспубліканскіх студэнцкіх дзён у Брэсце “Я Беларуссю даражу: я тут вучуся, я тут жыву, ці Маладзёжны варкшоп”. Для ўдзельнікаў студэнцкіх дзён было падрыхтавана шмат конкурсаў і мерапрыемстваў: адкрыццё выставы “Генацыд беларускага народа ў гады Вялікай Айчыннай вайны”, цырымонія афіцыйнага адкрыцця студэнцкіх дзён у Мемарыяльным комплексе “Брэсцкая крэпасць-герой”, парад студэнцкай моладзі “Студэнцтва! Поспех! Адзінства!”, маладзёжныя варкшопы.
16-17 верасня горад Пінск масава і маштабна адзначыў Дзень народнага адзінства і свой 925-ы дзень нараджэння. Студэнты і супрацоўнікі палесДУ прынялі актыўны ўдзел у святочных мерапрыемствах.
17 верасня ў мемарыяльным комплексе на брацкай магіле воінаў-вызваліцеляў у гарадскім парку культуры і адпачынку ўсклалі кветкі да Вечнага агню. Валанцёры нашага ўніверсітэта сумесна з валанцёрамі ПА ГА “БРСМ” сталі ўдзельнікамі штогадовага Рэспубліканскага марафона “Валанцёрства – гэта мы!”, прымеркаванага да Дня народнага адзінства.
Кантакты
Палескі дзяржаўны ўніверсітэт, вул. Дняпроўскай флатыліі, 23, 225710 Пінск, Брэсцкая вобласць, Рэспубліка Беларусь.
Tel.: + 375 (165) 31 21 60 , Fax: + 375 (165) 31 21 95, e-mail: box@polessu.by web-site: https://www.polessu.by/
© 2012-2020 Палескі дзяржаўны ўніверсітэт Цэнтр інфармацыйных тэхналогій
© 2012-2020 Полесский государственный университет Центр информационных технологий