25-26 лютага 2022 г.

1 сакавіка 2022 года ў 15.00 бібліятэка Палескага дзяржаўнага ўніверсітэта запрашае выкладчыкаў кафедраў наведаць Залу электронных рэсурсаў для стварэння аўтарскіх профіляў у навуковай сацыяльнай сетцы ResearchGate і ў базе даных вучоных ORCID. Дапамога ў рэгістрацыі і размяшчэнні аўтарскіх публікацый будзе аказана супрацоўнікамі бібліятэкі.

У кожнага народа ёсць слаўныя воінскія перамогі, памяць, пра якія перадаецца з пакалення ў пакаленне. На такіх перамогах выхоўваецца дух нацыі, гонар за веліч продкаў. 23 лютага па традыцыі лічыцца святам сапраўдных мужчын, якое адзначаюць у многіх постсавецкіх рэспубліках.

​​​​​​​

“Толькі праз родную мову чалавек можа стаць беларусам,

22 лютага ў чытальнай зале бібліятэкі вучэбнага корпуса №1 супрацоўнiкi бібліятэкі арганiзавалi свята беларускай мовы, прымеркаванае да Міжнароднага дня роднай мовы. У літаратурнай гасцёўні “Таямніцы роднай мовы” прынялі ўдзел студэнты групы 21БУ-1. Вядучыя мерапрыемства Балабосава Ульяна і Кочкін Вячаслаў з гонарам расказалі гасцям мерапрыемства, што нам у спадчыну засталася ўнікальная мова – жывая і мілагучная, песенная і паэтычная, старажытная і сучасная.

У бібліятэцы, на абанеменце навуковай і мастацкай літаратуры (аўд.3221), адкрылася кніжная выстава “Абаронца адрынутых”, прысвечаная 220-годдзю з дня нараджэння Віктора Мары Гюго. Пісьменнік, паэт, празаік і драматург, ён стаў адной з самых значных фігур у французскай літаратуры і прыкладам таго, наколькі свабодным і сумленным можа быць творца. Будучы актыўным грамадскім дзеячам, літаратар асуджаў няроўнасць у грамадстве і адхіляў несправядлівыя законы.

23 лютага кандыдат філалагічных навук, дацэнт кафедры міжкультурных камунікацый Алена Аляксандраўна Ігнацюк адзначае свой юбілей.
Алена Аляксандраўна – літаратуразнавец, культуролаг і паэт. Яна актыўна займаецца навукова-даследчай працай, мае больш за сорак навуковых прац, большая частка якіх прысвечана даследаванню тэорыі беларускай літаратуры. У сваёй навуковай дзейнасці вялікую ўвагу надае вывучэнню культуры роднага Палесся. У суаўтарстве яна апублікавала некалькі манаграфій і шэраг артыкулаў па гэтай праблематыцы.

Імкненне да сацыяльнай справядлівасці адна з галоўных місій усіх краін. Асноўная ідэя – гэта падтрымка прынцыпаў справядлівасці, устараненне бар'ераў, якія ўзнікаюць перад людзьмі ў сілу іх полу, узросту, расавай, этнічнай або рэлігійнай прыналежнасці, культуры або наяўнасці інваліднасці. Генеральная Асамблея ААН 26 лістапада 2007 года аб'явіла 20 лютага Сусветным днём сацыяльнай справядлівасці. ААН прапанавала дзяржавам-удзельніцам праводзіць мерапрыемствы ў інтарэсах грамадскага развіцця. Беларусь - сацыяльная дзяржава, уваходзіць у лік заснавальнікаў Арганізацыі Аб'яднаных Нацый.