​​​​​​​З 26 верасня па 24 кастрычніка 2022 года на факультэце дадатковай адукацыі ПалесДУ праходзілі стажыроўку па тэме “Выкарыстанне тэхналогій аздараўляльнай фізічнай культуры і спорту для арганізацыі фізкультурна-аздараўляльнай работы з рознымі групамі насельніцтва” Рамазанаў Медэтбай Бахытбаевіч, начальнік аддзела кантролю якасці адукацыі, і Мамбетжумаеў Цімур Тажатдзінавіч, загадчык кафедры спартыўных гульняў Нукускага філіяла Узбекскага дзяржаўнага ўніверсітэта фізічнай культуры і спорту.

​​​​​​​21 кастрычніка супрацоўнікі ПалесДУ Волкава Вікторыя Уладзіміраўна, в.а. заг. кафедры ландшафтнага праектавання, і Ціханоўская Юлія Алегаўна, нам. дэкана  па навуковай рабоце факультэта эканомікі і фінансаў, прынялі ўдзел у анлайн-прэзентацыі праграмы акадэмічнай мабільнасці для студэнтаў Санкт-Пецярбургскага дзяржаўнага архітэктурна-будаўнічага ўніверсітэта.

​​​​​​​22 кастрычніка праведзена прафарыентацыйная праца для навучэнцаў 11-ых класаў школ горада Бяроза. Прайшла яна на базе УА “Сярэдняя школа №3 г.Бяроза”.

​​​​​​​З 17 па 21 кастрычніка 2022 года прадстаўнікі прафсаюза студэнтаў ПалесДУ Вікторыя Юдзіна, Ксенія Дыдышка і Алеся Малышка праходзілі навучальныя курсы моладзевага прафсаюзнага актыву. Па традыцыі мерапрыемства прайшло на базе цэнтра моладзевых ініцыятыў ФПБ ў Лагойскім раёне. Праграма мерапрыемстваў уключала лекцыі і трэнігі на тэмы: гістарычная памяць беларускага народа, стэрэатыпы поп-культуры як інструмент маніпуляцыі, а таксама разглядалі пытанне ўспрыняцця тэмы генацыду беларускага народа ў перыяд Вялікай Айчыннай вайны.

22.10.2022 года ў г. Гомель праходзіў міжнародны турнір па каратэ кёкусінкай “Кубак Гомеля – 2022”. У спаборніцтвах прынялі ўдзел студэнты ПалесДУ. У катэгорыі больш за 18 гадоў да 65 кг 2 месца заняў студэнт 3 курса групы 20ФРЭ-1 Палюховіч Данііл. У катэгорыі больш за 18 гадоў да 96 кг 1 месца заняў студэнт завочнай формы навучання групы 22ФК-1з Любаеў Дзмітрый.

​​​​​​​22 кастрычніка на базе Палескага дзяржаўнага ўніверсітэта прайшлі абласныя камандныя спаборніцтвы па боча “Спорт без межаў-2022” сярод моладзі і людзей з інваліднасцю. Арганізатарам спаборніцтваў выступіў факультэт арганізацыі здаровага ладу жыцця Палескага дзяржаўнага ўніверсітэта і грамадскае аб’яднанне “Фізкультурна-спартыўны клуб “Ветразь”.

20 кастрычніка ва ўніверсальнай спартыўнай зале Палескага дзяржаўнага ўніверсітэта адбыўся фітнес-марафон, прысвечаны Тыдню бацькоўскай любові. Мерапрыемства арганізавана па ініцыятыве факультэта арганізацыі здаровага ладу жыцця і прадстаўнікоў моладзевага крыла гарадскога грамадскага аб’яднання “Беларускі саюз жанчын” ПалесДУ.

​​​​​​​20 кастрычніка ў Палескім дзяржаўным універсітэце адбыўся Адзіны дзень інфармавання, удзел у якім прыняў  памочнік Прэзідэнта – інспектар па Брэсцкай вобласці Вакульчык Валерый Паўлавіч. Ён сустрэўся са студэнтамі і супрацоўнікамі ВНУ і абмеркаваў пытанні, якія датычацца сацыяльна-эканамічнага развіцця краіны і рэгіёна.

​​​​​​​Адным з самых яркіх студэнцкіх мерапрыемстваў з’яўляецца праект, ініцыяваны Рэспубліканскім студэнцкім саветам ГА “БРСМ” і рэалізуемы Саюзам моладзі сумесна з Міністэрствам адукацыі Рэспублікі Беларусь – рэспубліканскі конкурс “Студэнт года”.

На базе спартыўна-культурнага цэнтра  УА “Беларускі дзяржаўны ўніверсітэт культуры і мастацтваў” адбылася ўрачыстая цырымонія адкрыцця Рэспубліканскай універсіяды – 2022/2023.